منتدى شادية دلوعة الشاشة العربية
عزيزي الزائر أنت غير مسجل ويسعدنا انضمامك الى أسرتنا الجميلة المتحابة


والمترابطة وإذا رغبت فأهلاّ وسهلاّ بك ، قم بالتسجيل لنتشرف بوجودك معنا
[/center]



 
الرئيسيةالبوابة*س .و .جالتسجيلدخول
المواضيع الأخيرة
» ادخل السجن ياشاطر
اليوم في 19:46 من طرف sheko

» كل سنة وانت بخير يا انطوانيت
اليوم في 19:08 من طرف NONOS

» شادية و.. «عريس الشّبّاك»!
اليوم في 12:18 من طرف NONOS

» «مؤلِّف... وقرطاس طعميّة»!
اليوم في 12:00 من طرف هدى

» مين قالك تسكن بحارتنا
اليوم في 11:17 من طرف هدى

» شادية.. «أمام ابن الإله اليابانيّ»!
اليوم في 1:32 من طرف نعيم المامون

» سجل حضورك بالصلاة علي النبي صلى الله عليه وسلم
أمس في 23:56 من طرف أرض الجنتين

» الفنانة الوحيدة التي مازالت لا تعرف بوفاة شادية
أمس في 21:35 من طرف NONOS

» شكر على تعاز للغاليه هدى شعبان
أمس في 20:29 من طرف عبدالمعطي

» شادية ولحن من ألحان الرحبانية
أمس في 18:22 من طرف هدى

» شادية.حفل كامل بنادى الترسانة11/7/1974
أمس في 18:14 من طرف sheko

» مصر اليوم فى عيد كاملة حفلة مصورة
أمس في 18:13 من طرف sheko

» شادية والله يا زمن كاملة مصورة من حفل سوريا
أمس في 18:02 من طرف sheko

» جاللي الوداع فيديو مصور كامل لاول مرة
أمس في 17:55 من طرف sheko

» شادية انا وقلبي و همس الحب حفل كامل و نادر جدا
أمس في 17:53 من طرف sheko

» خلاص مسافر كاملة بدون حذف تصوير جودة عالية
أمس في 17:51 من طرف sheko

» ريا وسكينة تصوير نادر ومفقود
أمس في 17:48 من طرف sheko

» شادية اخر ليلة مصورة
أمس في 17:38 من طرف هدى

» ثروت اباظة وصلاح ذو الفقار منتج شيء من الخوف
أمس في 14:28 من طرف هدى

» عادل امام يعتزل بعد وفاة شادية
أمس في 8:44 من طرف هدى

» شادية ببرنامج ستديو لايف
أمس في 8:23 من طرف هدى

» برنامج في يوم الايام / شادية
أمس في 8:16 من طرف هدى

» سجل حالتك النفسية باغنية من اغاني شادية
أمس في 0:24 من طرف هدى

» اروع ما غنت فايزه احمد
الخميس 14 ديسمبر 2017 - 22:27 من طرف سميرمحمود

» احبك ياشادية ..وفراقك صعب
الخميس 14 ديسمبر 2017 - 22:21 من طرف نور الحياة شاكر

» وطنيات عربية
الخميس 14 ديسمبر 2017 - 22:05 من طرف نور الحياة شاكر

» ااااااه شاديتي
الأربعاء 13 ديسمبر 2017 - 22:21 من طرف NONOS

» حصريآ لقاء الفنانة شادية عام 1993
الأربعاء 13 ديسمبر 2017 - 10:06 من طرف أرض الجنتين

» قراءة سورة من القرآن لروح المرحومة شادية
الثلاثاء 12 ديسمبر 2017 - 22:06 من طرف نور الحياة شاكر

» كنوز..شادية
الثلاثاء 12 ديسمبر 2017 - 20:11 من طرف نور الحياة شاكر

مغارة كنوز صور القيثارة
هنــــا
المتواجدون الآن ؟
ككل هناك 45 عُضو متصل حالياً :: 1 أعضاء, 1 مختفون و 43 زائر :: 2 عناكب الفهرسة في محركات البحث

sheko

أكبر عدد للأعضاء المتواجدين في هذا المنتدى في نفس الوقت كان 720 بتاريخ الجمعة 10 يوليو 2015 - 17:24
اذاعة المنتدى
إذاعة شادية صوت مصر
T.V.SHADIA
هنــــا
احصائية المنتدى
اشهر مائة فى الغناء العربى
هنــــا
من لا يحب شادية صاحبة المعاني النبيلة
هنــــا
ديوان نجمة القمتين شادية
هنــــا
شادية نغم في القلب
هنــــا
صور من تاريخ شادية
هنــــا
مركز لتحميل الصور
شاطر | 
 

 اهم ملامح عبقرية شادية في حب الوطن

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
moni
عضو ذهبي
عضو ذهبي
avatar

الدولة :
العمر : 67
انثى
النمر
عدد الرسائل : 1585
تاريخ التسجيل : 24/06/2009
احترام القوانين :

مُساهمةموضوع: اهم ملامح عبقرية شادية في حب الوطن   الأحد 21 فبراير 2010 - 21:18

من اهم ملامح عبقرية شادية المطربة تقديمها لاروع اغاني الوطن والتي كانت شاهدة على عصور مهمة في تاريخ مصر من بداية اندلاع ثورة 1952 وحتى تحرير سينا عام 1982

االقايمة فيها اسم الاغنية والشاعر والملحن والتاريخ تقريبا وطبعا لسه فيه اغاني مش معروفة نتمنى نعرفها سوا وكل صديق عنده كلمات اغنية وطنية جميلة لشادية اهلا بيه يضيفها لنا هنا ونستمتع باحلى كلام في حب مصر بصوت احلى شـادية......


1. اقوى من الزمان ( لما كنا صغيرين)... ( مصطفى الضمراني- عمار الشريعي ) 8 فبراير 1978

2. ادخلوها سالمين... (ابراهيم موسي – بليغ حمدي ) 22 يوليو 1985

3. المصري....( ابو السعود الابياري – محمود الشريف) فيلم حظك هذا الاسبوع 1953

4. الاولة مصر.... ( عبد الرحيم منصور – محمد الموجي ) تقريبا عام 1972

5. الجيل الصاعد... ( حسين السيد – محمد عبد لوهاب ) لعيد التاسع للثورة عام 1961

6. الوطن الاكبر.... ( احمد شفيق كامل – محمد عبد الوهاب ) العيد التامن 1960

7. البحر الابيض بيغني.... ( صلاح فايز – خالد الامير ) عودة الملاحة لقناة السويس 1975

8. الدرس انتهى لموا الكراريس... ( صلاح جاهين – سيد مكاوي ) الاعتداء الاسرائيلي على مدرسة بحر البقر 1970

9. النور الخالد ( اغلى شعاع).... ( محمود حسن سماعيل – رياض السنباطي ) رحيل عبد الناصر 1970

10. المنصورة.... (فتحي قورة – على اسماعيل )

11. انتفاضة ( لما الشعوب تريد).... ( محمود حسن اسماعيل – رياض السنباطي ) ثورة العراق 1958

12. الاسمر في كل مكان ( غنيوة الاسمر)..... ( مجدي نجيب – عز الدين حسني ) تقريبا 1971
13. احنا وياك ياريس... ( محمد حلاوة – محمد الموجي ) ايام الوحدة مع سوريا تقريبا 1959

14. النيل والزيتون.... (مجدي النجار- فاروق الشرنوبي ) ................

15. احنا لها نحمي العروبة واهلها... (..... – فريد الاطرش ) فيلم ودعت حبك 1956

16. ايامنا الحلوة جاية.... ( ...... - ..... ) ايام بناء السد العالي 1960

17. بلد السد.... ( حسين السيد – مير مراد ) السد العالي 1961 تقريبا

18. حسبوا لنجوم للعروسة ( خمسة وخميسة)... ( نبيلة قنديل – محمد الموجي ) فتح قناة السويس للملاحة 1975

19. رايحة فين ياعروسة.... ( نبيلة قنديل – على اسماعيل ) نصر اكتوبر غنتها تقريبا اوائل عام 1974

20. رسالة حب.... ( مصطفى الضمراني – محمد على سليمان ) تحرير العريش 1979

21. سبع سواقي ( الله اكبر )... ( صالح جودت – رياض السنباطي ) فيلم حظك هذا الاسبوع 1953

22. سحر عنيكي العسلية ( حلفولي نك مصرية )..... ( عبد الفتاح مصطفى –احمد صدقي ) 1950 فيلم في الهوا سوا وتقريبا كده اول اغنية وطنية في تاريخ شادية كله...

23. شجرة ورد ( ورد يا ورد ).... ( حسين السيد – محمد الموجي ) تكريم ابطال حرب اليمن 1963 فيلم منتهى الفرح

24. صوت الجماهير.... ( حسين السيد – عبد الوهاب ) العيد ال11 للثورة 1963

25. ضربة معلم.... ( فتحي قورة – منير مراد )

26. عبرنا الهزيمة... ( عبد الرحيم منصور – بليغ حمدي ) اول اغنية تسجلها عن نصر اكتوبر 1973

27. عربي في كلامه.... ( مامون الشناوي – منير مراد ) اواخر الخمشيتات تقريبا..

28. عديني يا معدا وي.. ( عبد الوهاب محمد- بليغ حمدي) اوائل السبعينات

29. على بلدي بلد الاحرار... ( فتحي قورة – محمد الموجي ) لعيد العاشر للثورة 1960

30. عقد لولي .... ( مرسي جميل عزيز – محمد الموجي ) عيد الثورة بس مش عارف سنة كام

31. غالية يا بلادي... ( محمد حمزة – بليغ حمدي ) بعد رحيل عبد الناصر غنتها في 16 يناير 1971

32. قولوا لمصر... ( احمد شفيق كامل – عبد الوهاب ) اول نشيد وطني جماعي سنه 1956

33. كلنا عرب ( اصرار )... ( مجدي نجيب – محمد لموجي ) حرب الاستنزاف 1968

34. مصر نعمة ربنا ( مصر باقية ).. ( عبد الفتاح مصطفى –محمد الموجي ) بعد رحيل السادات 1981

35. مصر اليوم في عيد.. ( عبد الوهاب محمد – جمال سلامة ) بعد تحرير سينا 25 ابريل 1982

36. مصر والسودان... (السيد زيادة- عزت الجاهلي ) فيلم بشرة خير 1952

37. مع الف سلامة ... ( فتحي قورة – محمود الشريف ) ايام الوحدة مع سوريا 1958

38. نسر المجد.. ( مصطفى عبد الرحمن – محمود الشريف ) ايام الوحدة برضة

39. هوا ياهوا.. ( سعيد بو الحسن جلال – سيد مكاوي ) 1971

40. وادينا..... ( ...... – عمار الشريعي ) 1981 تقريبا

41. واحد + واحد.... ( حسين السيد – بليغ حمدي ) 1961 العيد التاسع للثورة

42. وطني احلى الاوطان (عبد الوهاب محمد- جمال سلامة ) 1985

43. وحياة رب المداين..... ( ابراهيم رضوان – جمال سلامة ) 5 اكتوبر 1985

44. يا ارض وادي النيل.... ( ....... - ...... ) فيلم لسانك حصانك 1953

45. يا بلدنا يا حياتنا ( بلدي يا بلدي) ... ( صلاح فايز – خالد الامير ) العيد الاول لنصر اكتوبر 3 اكتوبر 1974

46. يا حبيبتي يا مصر..... ( محمد حمزة – بليغ حمدي ) درة التاج لاغانيها الوطنية غنتها اول مرة 16 يونيو 1970

47. يا ولاد حارتنا...... (........ - ........ ) بعد العدوان الثلاثي غنتها عام 1957

48. يا ام الصابرين ( يا مصر يا عشقنا)...... ( عبد الرحيم منصور – بليغ حمدي ) 22 يوليو 1971

49. يا مسافر بورسعيد..... ( اسماعيل الحبروك – محمد الموجي ) بعد العدوان الثلاثي غنتها اوائل 1957

50. يا وابور يا مولع..... ( فتحي قورة – محمد الموجي ) العيد السابع للثورة 1959

51. يا بنت خالي.... ( فتحي قورة - ...... )

52. يا بنت بلدي.... ( حيرم الغمراوي – محمود الشريف ) اعطاء المرأة حق الانتخاب لاول مرة 1956

53. يا عزيز عيني.... (مجدي نجيب – محمد الموجي ) حرب الاستنزاف 1968

54. يا طريقنا ياطريق.... ( مجدي نجيب – منير مراد ) اغسطس73 19

55. يا شعبنا سوا سوا ( مجدي نجيب – محمد الموجي ) فترة حرب الاستنزاف 1968

56. فجر جديد ( عبد الوهاب محمد – بليغ حمدي ) العيد العاشر للثورة في 22 يوليو 1962 مع وردة ونجاة وفايزة احمد وفايده كامل بس كده.....

دي كانت القائمة لوطنيات شادية ....

اول اغنية وطنية بالمعنى المعروف في تاريخ شادية كانت قبل الثورة وده اول دليل انها اما بتغني بتغني لمصر بلدها من قلبها يعني مش مستنيه مناسبة او حدث تتغني بيه وخلاص ......

الاغنية هي سحر عنيكي العسلية كتبها عبد الفتاح مصطفى و لحنها احمد صدقي وغنتها في فيلم ( في الهوا سوا ) سنة 1950.......

كلماتها بتقول.............

سحر عنيكي العسلية

كلمات عبد الفتاح مصطفى الحان احمد صدقي

سحر عنيكي العسلية وسمارك والخفيه
حلفولي انك مصرية

الورد النادي بيسرح في خدودك لما يسلم
وعيونك دايما تسرح وتهيم ساعة ما اتكلم
وشبابك زهرة ندية بتفتح للصبحية
وسمارك والخفية حلفولي انك مصرية

مصر بلدنا دي الجنة اللي في وديانها الحور
واللي يشوفك يتمنى لو يطوي عشانها بحور
خدتي ما خليتي بقية من رقتها الخمرية
وسمارك والخفية حلفولي انك مصرية

دي عيونك بتفكرني بجمالها وسحر سماها
والرقة اللي بتأسرني من نسمتها ***اها
وعلى الشفة الوردية مكتوب الحب ده غية
وسمارك والخفية حلفولي انك مصرية


اما البداية مع اغاني الثورة كانت مبكرة في السينما زي ما اغلب افلام سنة 1952 و1953 عملت انها دخلت اناشيد وطنية في نسيج الفيلم لمواكبة الحدث يعني ممكن جدا ما يكونش لها مكان اصلا بس اتعمل لها مكان من تحت الارض وخلاص.....

زي مثلا اسكتش المصري لشادية واسماعيل يس مش عارف من فيلم ايه...
وكمان نشيد الرزق في ايدك صلاة مع منير مراد من فيلم انا وحبيبي...
ويا ارض وادي النيل من فيلم لسانك حصانك...


وفي الوقت اللي الاغاني كلها في الوقت ده كانت كلها الات نحاس ومارشات عسكرية لكن الغنوة دي كانت مختلفة جدا بموسيقى قريبة من القلب وكمان ادخال الناحية الدينية في الاغنية بتكرار جملة ( الله اكبر ) في اللحن بما يناسبه من موسيقى خاشعة وباداء راقي من شادية والكورس و....

ودي كلماتها........

سبع سواقي ( الله اكبر )

كلمات صالح جودت الحان رياض السنباطي

سبع سواقي كانت بتنعي ..... على اللي نابها من المظالم
قضت حياتها تدور وتدعي ..... الله اكبر عليك يا ظالم عليك يا ظالم

كورس : الله اكبر الله اكبر الله اكبر الله اكبر

سبع سواقي بقت بتضحك..... وتقول يا مصري النهاردة فرحك
الارض ارضك والطرح طرحك..... وبكرة تعمر وخيرها يكتر
وخيرها يكتر الله اكبر الله اكبر

كورس : الله اكبر الله اكبر الله اكبر الله اكبر

سبع سواقي تملا قناها.... ياما دموعنا جريت معاها
قام النهاردة بشير هناها.... على المداين هلل وكبر
الله اكبر الله اكبر

كورس : الله اكبر الله اكبر الله اكبر الله اكبر

قومي يا خضرة .. وانتي يا زهرة .... زغروطه لليوم ده الف مرة
بقت بلادنا النهاردة حرة...... وجيشها يحمي علمها الاخضر
الله اكبر الله اكبر

كورس : الله اكبر الله اكبر الله اكبر الله اكبر

بعد كده ابتدت الثورة تعمل شوية تغيرات سياسية في المجتمع المصري وكانت الاغاني مواكبة للتغيرات دي ومنها مثلا اما المراة المصرية اخدت حقها في الانتخاب لاول مرة في اول دستور مصري وده كان سنة 1956 و ابتدت شادية مشوار اغانيها للاذاعة بقى مخصوص يعني مش للافلام فغنت الاغنية يا بنت بلدي زعيمنا قال كلمات حيرم الغمراوي والحان محمود الشريف والاغنية دي حققت شهرة ونجاح كبير ولحد دلوقتي في يوم المرأة العالمي او المرأة المصرية تلاقي الغنوة دي موجودة بوضوح على خريطة الاذاعة...

و دي كلماتها....

يا بنت بلدي

كلمات حيرم الغمراوي الحان محمود الشريف

يا بنت بلدي زعيمنا قال قومي وجاهدي ويا الرجال
قومي قومي قومي قومي قومي وجاهدي يا بنت بلدي

ياللا نضحي لاجل بلدنا بنني عينينا
يا ما طالبنا بحق جهادنا وقالوا علينا
مش للميدان...... ده كان زمان
يا بنت بلدي قومي قومي قومي وجاهدي يا بنت بلدي

قولي يا خويا سير في جهادك واحنا وراك
ياللي وهبت الروح لبلادك روحنا معاك
نوفي بندورنا ......ونأدي دورنا
يا بنت بلدي قومي قومي قومي وجاهدي يا بنت بلدي

انتي يا خضرة جاهدي في غيطك ويا عطية
وانتي يا زهرة جاهدي في بيتك بالتربية
ربي الطفولة .... على الفضيلة
يا بنت بلدي قومي قومي قومي وجاهدي يا بنت بلدي

وانتي ياللي العلم ناداكي جاهدي في نوره
واهدي شعب النيل بهداكي العز وخيره
ووجهينا ...... وعلمينا
يا بنت بلدي قومي قومي قومي وجاهدي يا بنت بلدي


منقول بأمانة وأرجو من الادارة الكريمة لو كانت هناك أية أخطاء تصحيحها لي وشكرا لكم
الموضوع الأصلى : اهم ملامح عبقرية شادية في حب الوطن  المصدر : قيثارة الغناء العربى
توقيع العضو: moni


عدل سابقا من قبل moni في الأحد 21 فبراير 2010 - 21:27 عدل 1 مرات
الرجوع الى أعلى الصفحة اذهب الى الأسفل
http://www.shadialovely.com/ *:
ناهد
عضو فوق العادي
عضو فوق العادي
avatar

الدولة :
العمر : 48
انثى
الديك
عدد الرسائل : 4995
تاريخ التسجيل : 19/12/2007
المزاج :
احترام القوانين :

مُساهمةموضوع: رد: اهم ملامح عبقرية شادية في حب الوطن   الأحد 21 فبراير 2010 - 21:20

شكرا يا موني على الموضوع
الموضوع الأصلى : اهم ملامح عبقرية شادية في حب الوطن  المصدر : قيثارة الغناء العربى
توقيع العضو: ناهد
الرجوع الى أعلى الصفحة اذهب الى الأسفل
http://www.shadialovely.com
sirine
المشرف العام
المشرف العام
avatar

الدولة :
انثى
عدد الرسائل : 42620
تاريخ التسجيل : 01/12/2008
المزاج :
احترام القوانين :
بطاقة عضوية :

مُساهمةموضوع: رد: اهم ملامح عبقرية شادية في حب الوطن   الأحد 21 فبراير 2010 - 21:24

تسلم ايدك يا موني عالموضوع القيم
الموضوع الأصلى : اهم ملامح عبقرية شادية في حب الوطن  المصدر : قيثارة الغناء العربى
توقيع العضو: sirine
الرجوع الى أعلى الصفحة اذهب الى الأسفل
http://www.shadialovely.com/
ماجد علي
عضو ماسى
عضو ماسى
avatar

الدولة :
العمر : 58
ذكر
الخنزير
عدد الرسائل : 2177
تاريخ التسجيل : 16/12/2009
المزاج :
احترام القوانين :
بطاقة عضوية :

مُساهمةموضوع: رد: اهم ملامح عبقرية شادية في حب الوطن   الأحد 21 فبراير 2010 - 22:15

شكرا موني على الموضوع الكبير
تعتبر الاناشيد الوطنيه لشاديه من اهم اعمالها الفنيه
الموضوع الأصلى : اهم ملامح عبقرية شادية في حب الوطن  المصدر : قيثارة الغناء العربى
توقيع العضو: ماجد علي
الرجوع الى أعلى الصفحة اذهب الى الأسفل
http://ma59ali59@yahoo.com
هدى
مؤسس المنتدى
مؤسس المنتدى
avatar

الدولة :
انثى
عدد الرسائل : 35761
تاريخ التسجيل : 06/12/2007
المزاج :
احترام القوانين :
بطاقة عضوية :

مُساهمةموضوع: رد: اهم ملامح عبقرية شادية في حب الوطن   الأحد 21 فبراير 2010 - 23:55

الف شكر للحبيبة موني على موضوعها الجميل وتسلم ايدك وجاري قراءة الموضوع لنرى لو به اخطاء واتمنى من استاذنا الكبير الناقد محمد سعيد ربنا يحفظه ويرعاه مساعدتنا لمعرفة لبعض مؤلفي الاغاني والملحنين لو امكن وشكرا سلفا

شكرا لك ياغالية
الموضوع الأصلى : اهم ملامح عبقرية شادية في حب الوطن  المصدر : قيثارة الغناء العربى
توقيع العضو: هدى
الرجوع الى أعلى الصفحة اذهب الى الأسفل
http://www.shadialovely.com
نور الحياة شاكر
محبوبة شادية
محبوبة شادية
avatar

الدولة :
انثى
عدد الرسائل : 50592
تاريخ التسجيل : 08/12/2007
المزاج :
بطاقة عضوية :

مُساهمةموضوع: رد: اهم ملامح عبقرية شادية في حب الوطن   الإثنين 22 فبراير 2010 - 0:43

احصائية رائعة تسلم ايديكي ياموني
الموضوع الأصلى : اهم ملامح عبقرية شادية في حب الوطن  المصدر : قيثارة الغناء العربى
توقيع العضو: نور الحياة شاكر
الرجوع الى أعلى الصفحة اذهب الى الأسفل
moni
عضو ذهبي
عضو ذهبي
avatar

الدولة :
العمر : 67
انثى
النمر
عدد الرسائل : 1585
تاريخ التسجيل : 24/06/2009
احترام القوانين :

مُساهمةموضوع: رد: اهم ملامح عبقرية شادية في حب الوطن   الإثنين 22 فبراير 2010 - 16:31

شكرا لمروركم يا غاليين على قلبي وأسعدني جدا واليكم التكملة

وحصل الجلاء سنة 1956 خرج الجيش الانجليزي كله من مصر وغنى الجميع اول نشيد جماعي من تاليف احمد شفيق كامل ( قولوا لمصر تغني معايا في عيد تحريرها ) وكان نشيد رائع غني فيه مجموعة فنانين كبار محمد عبد المطلب ومحمد عبد الوهاب وعبد الغني السيد وعبد العزيز محمود وسعد عبد لوهاب وفايدة كامل.. ..... وشــــــــــــــــاديتنا

باول نشيد وطني جماعي كان في العيد الرابع لثورة يوليو في حفل نادي الجلاء للقوات المسلحة في 23 يوليو 1956...

قولوا لمصر تغني معايا...

كلمات احمد شفيق كامل ... الحان محمد عبد الوهاب

عبد الوهاب و المجموعة :

قولوا لمصر تغني معايا في عيد تحريرها
تم النصر وصبحت حرة بايد احرارها
وبعزة ابطالها تحيا ويحيا رجالها قولوا قولوا

عبد العزيز محمود وشادية :

كان اليوم ده امل من امتى بنتمناه
حلم وعشنا سنين على نوره بنستناه
صبح الحلم .... حقيقة وعلم .... ولا محتل دخيل ولا ظلم
وبعزة ابطالها تحيا ويحيا رجالها قولوا قولوا

سعد عبد الوهاب وفايدة كامل :

من باندونج صارحنا الدنيا بصوت جبار
مش للغرب ومش للشرق لكن احرار
جهادنا جهاد..... عرب وحياد...... من مراكش الى بغداد
وبعزة ابطالها تحيا ويحيا رجالها قولوا قولوا

محمد عبد المطلب :

قولوا لعرابي اخدنا بتارك م اللي خانوك
خرج الغاصب اللي شرانا من اللي باعوك
واللي باقي لنا ..... نخلص تارنا .... في فلسطين وديار عروبتنا
وبعزة ابطالها تحيا ويحيا رجالها قولوا قولوا

عبد الغني السيد:

الاستعمار اللي احنا قاسينا منه سنين
وباعوانه اتحكم فينا دنيا ودين
زالوا وزال... واتبدل الحال...... واتحررنا بايد احرار
وبعزة ابطالها تحيا ويحيا رجالها قولوا قولوا

محمد عبد الوهاب :

ياللي بنيت الهرم الرابع وبنيت جيل
هرمك نهضة وجيش ومصانع تحمي النيل
رمز كفاحنا.... سر نجاحنا... نفدي وراك مصر بارواحنا
وبعزة ابطالها تحيا ويحيا رجالها قولوا قولوا

المجموعة :
قولوا لمصر تغني معايا في عيد تحريرها
تم النصر وصبحت حرة بايد احرارها
وبعزة ابطالها تحيا ويحيا رجالها قولوا قولوا


وبعد الجلاء ابتدى مشوار تاني في تاريخ الثورة وهو موضوع بناء السد العالي وحكاية تاميم القناة في 26 يوليو 1956اللي كانت فعلا ضربة معلم من جمال عبد الناصر غنت لها شادية من كلمات فتحي قورة والحان منير مراد ( ضربة معلم تسلم ايده ..) وادي كلماتها.....

" ضربة معلم"

ضربة معلم تسلم ايده......
وربنا يقويه ويزيده.......
عرف صحيح ازاي يضربها.........
والعركة امتى وفين يكسبها.......
لشعب بيحبه وبيريده.......
وربنا يقويه ويزيده.........
ضربة معلم..... معلم...... تسلم ايده ..... تسلم ايده.....

ضربة معلم يوم ثورتنا.......
رفعت امتنا...........
ردت كرامتنا........
بدأت نهضتنا.......
ورفرفت ع الدنيا رايتنا........
تحكي لها اهدافنا ورسالتنا........
ويفرح الشعب في يوم عيده.......
وربنا يقويه ويزيده.............
ضربة معلم..... معلم...... تسلم ايده ..... تسلم ايده.....

ضربة معلم قلبه علينا.........
نفديه بعنينا.......
و بفضله بنينا........
سدنا بايدينا...........
وزي ما اتمنينا بقينا........
ودوسنا اعدانا برجلينا........
والنصر كل شوية نعيده.........
وربنا يقويه ويزيده.............
ضربة معلم..... معلم...... تسلم ايده ..... تسلم ايده.....

ضربة معلم عاش لبلاده.....
يحميها جهاده.......
ويصونها حياده........
وتموت حساده...........
دا كان ميلاد المجد ميلاده..........
وكان ميعاد النصر ميعاده...........
وعدنا بيه ووفى بمواعيده.........
وربنا يقويه ويزيده.....
ضربة معلم..... معلم...... تسلم ايده ..... تسلم ايده.....

الغنوة دي نغماتها شعبية وبسيطة تدخل قلب الواحد على طول....
الغنوة دي ممكن نقول انها غنتها لعبد الناصر في حياته.....
مش نفاق او تملق للسلطة....
انما تعبير بسيط عن حب الشعب للزعيم ده اللي عاش سنين في قلوب المصريين ....
وده واضح من بساطة الكلمات

ولسه الرحلة طويـــــــلة

وحصل العدوان الثلاثي وقام ابناء مدينة بورسعيد باحلى واشرف ملحمة لتحريرها من العدو وسجلتها شادية في الاغنية دي............

امانة عليك امانة يا مسافر بورسعيد ( كلمات اسماعيل الحبروك ولحن محمد الموجي )

اغنية من روائعها الوطنية في الخمسينات .... غنتها بعد انتصار شعب بورسعيد على العدوان الثلاثي عام 1956....

كتبها اسماعيل الحبروك ولحنها محمد الموجي.......

امانة عليك امانة....... يا مسافر بورسعيد....
امانه عليك امانه ..... لتبوس لي كل ايد....
لتبوس لي كل ايد......... حاربت في بورسعيد..........
الارض الغالية بوسها...... دي الدنيا بتحكي عنها......
جه الغريب يدوسها........ الكل قام يصونها.......
بقت ارض البطولة......... والعزة والرجولة.....
امانة عليك امانة......... لتبوسلي كل ايد
لتبوس لي كل ايد......... حاربت في بورسعيد............

سلم على كل شارع...... دافع عنه شبابه........
وهات لي وانت راجع......... شوية من ترابه........
تراب ارض الجدود......... وفيه دم الشهيد......
امانة عليك امانة.......... لتبوسلي كل ايد
لتبوس لي كل ايد.......... حاربت في بورسعيد............

حتلاقي الارض حرة ....... وان لاح فيها الغريب....
ختبقى الارض جمرة........ بالدم وباللهيب.......
بقت ارض البطولة............ والعزة والرجولة.....
امانة عليك امانة.......... لتبوسلي كل ايد
لتبوس لي كل ايد......... حاربت في بورسعيد

غنت في نفس الفترة اغاني تانية لا تقل روعة .... منها مثلا اغنيتين باسم احنا لها واحدة غنتها مع فريد في فيلم ودعت حبك والتانية غنتها في فيلم حب من نار .......

وكمان اغنيات تانية زي..... يا ولاد حارتنا....
كلماتها بتقول.........

ا ولاد حارتنا دي صفارتنا
ضربت امان
دول خانتنا دخلت في بيتنا
لقت الهوان
يا ولاد حارتنا دي صفارتنا ضربت امان

دول تلاته جت بالشماته
تدخل بلادنا
كسرنا نابهم والذل نابهم
من اتحادنا
انطردوا بره وبلادنا حره
حره بجهادنا
ياولاد حارتنا دي صفارتنا ضربت امان

الجيش وشعبه قاموا يحاربوا
جيش الاعادي
وبانتصارنا حررنــا دارنا
من كل عادي
نلنا املنا وكـــــل منا
بيقول بلادي
ياولاد حارتنا دي صفارتنا ضربت امان

ثورتنا بيضا واللي يسالمنا
رايحين نسالمه
واللي يعادينا ولا يخاصمنا
حنحل دمه
وفي انسحابه يدوق عذابه
ويقاسي ظلمه
ياولاد حارتنا دي صفارتنا ضربت امان


والاغنية اللذيذة دي...........

ا بنت خالي يا واحشاني

ودي كلماتها...........

يابنت خالي يا واحشاني

كلمات فتحي قورة الحان بليغ حمدي

يابنت خالي يا واحشاني يا ساكنه في البر التاني
شنط السفر كتروا وزادوا والقطر قايم في ميعاده
قوللي للقدر يســـــتناني هنـــاك على البر التاني
يا بنت خالي يا واحشاني

انا من نهار حرب فلسطين وانا دايره اكافح بالملايين
حاجات كتير شغلتني سنين هي اللي كانت حايشاني
ودي حاجة كانت شغلاني يا بنت خالي يا واحشاني

كان ليا ارض عليها كابوس عمال بينحت زي السوس
مسكت فيه واديته دروس وانزاح وربنــــا قــــــــواني
ودي حاجة كانت شغلاني يا بنت خالي يا واحشاني

وجوه بيتنا كان فيه فار بالعافية كان محتل الدار
ما طلعش الا بميه نـــار والبيت نضف كـــله عشاني
ودي حاجة كانت شغلاني يا بنت خالي يا واحشاني

وكان ما بين الاهل خصام خلص وراح في سبع تيام
والشرط كان على نور وسلام والامضا تمت في ثواني
ودي حاجة كانت شغلاني يا بنت خالي يا واحشاني

قولي لحبايب القلب سماح غلطة زمان كان عهد وراح
انا النهاردة معايا ســــــلاح والغلطة مش حتعود تـــــاني
وخلاص مافيش حاجة شغلاني يا بنت خالي يا واحــــــشاني

يابنت خالي يا واحشاني يا ساكنه في البر التاني
شنط السفر كتروا وزادوا والقطر قايم في ميعاده
قوللي للقدر يســـــتناني هنـــاك على البر التاني
يا بنت خالي يا واحشاني


نكمل مشوار اغاني شادية الوطنية .....

ونوصل لملحمة السد العالي......

ومع بداية العمل في بناء السد العالي ابتدت شادية تغني للحلم اللي بيتحقق لمصر وللايام الحلوة اللي مستنيه مصر مع السد العالي......

في اغنية ايامنا الحلوة جاية

من اغنيات شادية الوطنية النادرة قدمتها ايام بناء السد العالي......

ايامنا الحلوة جاية......

ايامنا الحلوة جاية........
هناك قدام عنيا..........
السد العالي طالع......
جايب معاه مصانع....
جايب معاه مزارع........
جايب الاشتراكية........

ايامنا الحلوة هلت......
وجاية في الطريق.....
والحلم ظنونه ولت......
وبقى بحق وحقيق......
السد اهه بيعلى..........
والشغل في قلبه شعلة.......
والشغل لما يحمى...........
يملا العيون بريق.........
وهناك قدام عنيا...........
ايامنا الحلوة جاية.......

نورت فجر بكرة.....
يوم ما نسفت الجبال....
وجعلت اليوم ده ذكرى.......
لتاميم القنال........
الثورة ثورة دايمة...........
من كل قلب قايمة........
حوالين السد هايمة.........
تحمس الرجال...........
وهناك قدام عنيا...........
ايامنا الحلوة جاية.......

عاوزين وديان جديدة.......
ونور في كل بيت.........
احلام ما هيش بعيدة.........
ولا محتاجة لياريت.......
ياللي تريد المعالي.....
جاهد واسهر ليالي..........
وابني لك سد عالي......
راح تبلغ ما اشتهيت........
وهناك قدام عنيا...........
ايامنا الحلوة جاية.......

اد كده كان السد العالي مش مجرد مشروع عملاق ...
دا كان حلم الزعيم عبد الناصر انه يشوف كل بيت في مصر منور .....
وعبرت شادية عن الحلم ده بمنتهى الروعة في اغنية ما اتذاعتش الا مرات قليلة جدا

وكمان سجلت ملحمة بناء السد في اغنيتها الرائعة بلد السد ( لحسين السيد ومنير مراد )........

ودي كلماتها...........

بلد السد
كلمات حسين السيد الحان منير مراد

لما كنا زمان كتاكيت
مرة لعبت في عود كبريت
قاموا ضربوني وأنا عيطت
دادا جت تحكي حواديت
عن غولة وثلاث عفاريت
وتهشتكني وتقول سد
طول الليل وأنا هات يا صويت
واللي يشوف جنبه عفريت
طبعاً مش معقول ينسد

فين دلوقتي لما ابن أختي إمبارح قطع شنطة أخوه
ماما وبابا زعلوا منه راحوا السينما وهوه سابوه
رحت أصالحه و شلت بإيدي دموعه اللولي من الخدين
بعد شويه الضحكة الحلوة نطقت في عيونه الحلوين
عارفين أنا سكته بإيه
وعنيه ضحكوا قوي كده ليه

أصلي حكيت له حكاية بجد
حصلت لما رحنا نزور
بلد السد أبو باب مسحور
اللي بيبني الهوا والنور
واللي حيروي الأرض البور
بلد الخير وبلد السعد

واحد من اللي كانوا زمان
بيحاربونا مع العدوان
يوم ما قفلنا الشركة اياها
وشحناها على أسوان
شفته هناك كان فاتح بقه
وعنيه كانوا من الغيظ حيطقوا
ماشي بيتكتك عنده رعشة
طبعاً دي مش رعشة برد
دي حسرة قلب اللي كانوا
مش عايزينا نبني السد

شاف الميه هناك في بلدهم
زي كلامهم جزر ومد
شاف الميه هنا في بلدنا
مش محتاجة لأخذ و رد
شاف الشمس هناك في بلدهم
من المغرب تتحنى بورد
شاف الشمس حدانا بتسهر
ولا بتسيبش النور يسود
علشان خاطر نبني السد
لبلد الخير وبلد السعد

بعد شويه العمال هتفوا
يوم الإتنين بكرة يا جدعان
عم أبو خالد جاي يزورنا
ويبارك أكبر خزان
قرب جنبي أبو نار قايدة
قال ياحبيبي هنا في غلطة
بكرة مش الإتنين ياحبيبه بكرة اسمه يوم الأحد
رد عليه جدع أسمر عترة قال ياخواجة دي بلد السد
بص يمينك عرق العافية
شوف إزاي بينقط صهد
بص شمالك شوف ضوافيرنا
في الجرانيت لها برق ورعد
هنا أهوه الوقت بيسبق روحه
والبنا ماشي قبل الهد
علشان كده قربنا وجبنا
يوم الإتنين قبل يوم الأحد

ضحك ابن أختي معايا وكركر
ولقيته قال يا اخواتي عايز أكبر
شوف دكتور أطفال يكتبلي
ميه تكون جايه من السد
علشان أقدر أروح وأزور
بلد السد أبو باب مسحور
اللي بيبني الهوى والنور
واللي حيروي الارض البور
بلد الخير بلد الخير وبلد السعد

صبــــــــــاح احلى اغاني حب مصر مع صوت مصر.........

شادية زي ما كانت بنت مصر الحبيبة هي كانت كمان بنت كل بلد عربي وبيدخل صوتها في كل بيت عربي وياما غنت لحلم الوحدة العربية اللي كان احد اهداف الثورة بس ما اتحققش للاسف وعشان كده غنت عدد من احلى روائعها للعرب ومن الاغاني دي.......

عربي في كلامه لمامون الشناوي ومنير مراد

عربي في كلامه

عربي في كلامه
عربي في سلامه
حتى ابتسامه ... حتى خصامه
عربي وعربي

إنسان يسالم اللي يسالمه
شجاع ما يخضع لحد ظالمه
ليه كل عربي يحن دمه
عربي أصيل ... طبعه جميل
مالوش مثيل

عن أرضع يدافع
عن شرفه يقاتل
لا يخاف المدافع
ولا يخشى القنابل
حياته الكرامة ليوم القيامة
عربي أصيل ... طبعه جميل
مالوش مثيل

وعمره ما يخلف
ولا يخون عهوده
ومن غير مايحلف
بيوفي بعهوده
عدو الخيانة ... حبيب الأمانة
عربي أصيل ... طبعه جميل
مالوش مثيل


منقول بأمانة وأرجو من الادارة الكريمة لو كانت هناك أية أخطاء تصحيحها لي وشكرا لكم
الموضوع الأصلى : اهم ملامح عبقرية شادية في حب الوطن  المصدر : قيثارة الغناء العربى
توقيع العضو: moni
الرجوع الى أعلى الصفحة اذهب الى الأسفل
http://www.shadialovely.com/ *:
رووشه
عضو ذهبي
عضو ذهبي


الدولة :
العمر : 36
انثى
القرد
عدد الرسائل : 1052
تاريخ التسجيل : 12/04/2009
المزاج :
احترام القوانين :

مُساهمةموضوع: رد: اهم ملامح عبقرية شادية في حب الوطن   الإثنين 22 فبراير 2010 - 20:41

شكرا ليكي يا موني عالموضوع الجميل عن ست الكل شادية
الموضوع الأصلى : اهم ملامح عبقرية شادية في حب الوطن  المصدر : قيثارة الغناء العربى
توقيع العضو: رووشه
الرجوع الى أعلى الصفحة اذهب الى الأسفل
http://www.shadialovely.com
 

اهم ملامح عبقرية شادية في حب الوطن

استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى شادية دلوعة الشاشة العربية :: منتدى دلوعة الشاشة العربية شادية :: مواضيع مختلفة عن دلوعة الشاشة العربية شادية-
انتقل الى: